De Merher, ethves warn ügens mis Genver Wednesday, 28th January Gwrewgh nakevy an hager awel. Hedhyw, gwell ew an gewer. Ma flourys et ow lowarth - bohes brially (emesk an delkyow marow) ha lies camellia. Nag eus delkyow nowydh war an gwedh whath bes solabres, en colwedhen e'n ke, my ell gweles an kensa losyow ôn. Forget the storm. Today, the weather is better. There are flowers in my garden - a few primroses (among the dead leaves) and a lot of camellias. There aren't any new leaves on the trees yet but already, in a hazel tree in the hedge, I can see the first catkins (lamb's tails).
De Sadorn, seythves mis Meurh Saturday, 7th March John Boson, Kernow genys en Pluw Powl e'n vledhen mil whegh cans dogens ha pemdhek, o mab Nicholas Boson. Ev a dhescas an tavas Kernôwek dhort y sira - hag ev a dhescas William Gwavas y hònan. E'n vledhen y genesegeth nag era metêrn. Metêrn Charles a veu dibednys ha thera Oliver Cromwell ha Puritans ow routya. Termyn calish o rag an Eglos Catholik ha'n Eglos Anglican. Degedhow o nekevys. Wòja nebes bledhydnyow meternow ha meternesow a veu dewhelys. Rag fra o hedna dhe les dhe'n düs Kernow? Otta Metêrnes Anne en seytek cans ha dew! Deg bledhen yonca o hei avel John Boson. Thera whans dhedhy a scodhya Eglos Pow an Sowson - gen mòna dhort degedhow - henwys "Dadder Metêrnes Anne". Nag o hedna meurgerys gen tiogow ha tüs an puskes. En "Reem an Parra Hern" ma John Boson ow scrifa: "Tees Por Dega dega Creea" (ma tüs an porth ow creia 'dega dega'). Lebmyn tüs a res rei anvodh aga degedhow...
De Merher, kensa warn ügens mis Genver Wednesday, 21st January Solabres thew üdn mis wòja an cottha dedh ha'n dedhyow ew nebes hirra. My a viras orth folen a lever coth - cans bloodh coth. Hedhyw a dal bos degol Anek. Bes eus kefewy en Breanek en seythen ma? Nag eus, bes dedh vas ew rag ûsya charm kerenja, car dre hevel. Ma daralla adro dhe'n venyn Duw. Hei a jarmyas cowr anfujek, henwys Bolster. Already it's one month after the shortest day and the days are slightly longer. I looked at a page of an old book - a hundred years old. Today should be the feast of St Agnes. But is there a party in St Agnes this week? No, but it is a good day for using a love charm, it seems. There's a story about the godly woman. She charmed a hapless giant, called Bolster.
Comments
Post a Comment