2026 Late Cornish

De Sadorn, whetegves mis Me Saturday, 16th May Pe enevales ew an moyha diantel? Ew bestes brâs moy peryllüs avel bestes münys? Ew godhviles lacka avel enevales dôv? Bestes ell brathy ha bestes ell gwana. My a welas batel a ladh ynter dew greatur bian en beister (fenester). Kenisen vian ell brathy gen venym ha whirneres vrâs ell gwana gen venym. An whirneres a sayas gwana an genisen. An genisen a sayas kelmy an whirneres ha ladra hy gwan. An best brâssa a scappyas bes hei a godhas dhe'n dor ha merwel. Bold o an genisen bes na veu kidnyow veth dhedhy. Which animals are the most dangerous? Are big animals more dangerous than minibeasts? Are wild animals worse than domesticated animals? Animals can bite and animals can sting. I saw a fight to the death between two small creatures in a window. A little spider can bite with venom and a large hornet can sting with venom. The spider tried to bind the hornet and steal her sting. The bigger animal escaped but she fell down and died. The spid...

De Gwener, pemdhegves mis Me Friday, 15th May Pehên art ew da genowgh? E'n seythen ma whei ell trouvya oll sortow taclow en "89 Redruth". Ma disqwedhyans dhe'n Teylû Pedler - mabm, tas, mergh, mab, broder, hor, ownter ha modrep, dhe'n lyha. Ow howethes Maria ew dornscrifores fin. Ma'w howeth Jowan ow liwya lestry war an mor ha jynnjyow war an gonyow. Aga mergh Caroline ew scrifores ha lymnores levrow flehes. Ma dhodhans nebes pictours coth (nag ew dhe wertha). Ownter a dhescas gen Scol Newlyn, theram ow pedery, pecar'a "mester coth". Ha modrep a liwyas imach bian a'y honan. Ma pryntys ha collajys ewedh.    What type of art do you like? This week you can find all sorts of things in "89 Redruth". The Pedler Family has an exhibition - mum, dad, daughter, son, brother, sister, uncle, aunt, at least. My friend Maria is a calligrapher. My friend Jowan paints ships on the sea and engine houses on the downs. Their daughter Caroline is a wri...

De Yow, pajardegves mis Me Thursday, 14th May Hedhyw tho an jedh neppeth deffrans. Hager o an gewer, bes e veu nebes poyntys da. My a wrüg divüna a-varr ha kerdhes dhe'n savla kyttrin (hanter mildir)  rag kyttrin dhe'n coljy, kerdhes nebes moy dhort an coljy dhe gemeres kyttrin aral by e'n cita. Wòja hedna kerdhes nebes moy dhe'n chei medhek dens. Pur a-varr o vy, etho thera othom a wortos e'n stevel gortos ha redya aga levrow termyn, ha cowsel gen darbarores. Nag era tra veth cabm gans ow dens, etho an nessa termyn rag gweles an medhek dens arta a vedh nessa mis Me. Nessa? Kyttrin aral, dhe Redrüdh. Ow howetha ew teylû gwenhes, artyssys marthys. Rag üdn seythen, ma dhodhans disqwedhyans en shoppa. My a dremenas termyn hir ow clappya ganjans ha mires orth aga fictours, ken kyttrin aral ha kerdh tre arta. Loos o an mor ha loos o an eborn, mettin ha dohajedh.  Today the day was a bit different. The weather was terrible, but there were some good points. I woke up early...

De Merher, terdhegves mis Me Wednesday, 13th May Skith o vy ha na ellama scrifa travyth für. I'm tired and I can't write anything sensible.

De Meurth, dewdhegves mis Me Tuesday, 12th May En termyn a vedn dos, a vedh keniver flogh en Kernow diwedha kensa scol gen gòdhvos hag ònderstanding sempel a'n tavas? A vedh scol dewdavosek ? Deskyblon hogen, a vedh anjei demograffyk divers ha ledan. Ma esperans dhen. Ha wòja scol, pandr'ew an nessa tra? Wòja "Dyskans" e'n "Strateji" nei a wel "Kemeneth ha Gonisogeth". Da via genen gweles Kernowek et agan bownans pubdedhyek, en sînys ha shoppys, en levarvaow ha teleryow yntertaynment, rag sompel. Nei a venja gweles keschânjya gonisogeth yntredhon ha tavosow minorita erel. Pe lies pobel eus ow clowes ort Kernôwek cowsys po kenys e'n radyo po tele po fylm - po en kig ha knes? Ma othom a ahosonow moy. Da via genen cawas kenevow moy,  bardhonieth moy, whedhla moy, art moy (gen geryow), recordyansow moy, darlesa moy    - ha gosôworyon moy! Etho, gwrewgh creatya! In the future, will every child in Cornwall finish primary school with a knowl...

De Lün, üdnegves mis Me Monday, 11th May Ma'n "Strateji" rag agan tavas Kernôwek ow tos en pajar radn. Ma neppeth dhe vos gwres gen Konsel Kernow ha ma part rag Kernowegoryon ha'n poblek. An kensa radn ew "Dyskans" (Descans). Ma whans dhen a gressya nòmber a Gernowegoryon, yonk ha coth. Rag hedna ma othom a lies class war linen hag en kig ha knes. Ma bohes persons ow tendyl aga bownans gen desky, bes an brâssa radn an classys ew res gen bolonjedhogyon heb cost ha heb pêmet. Nei a'n gwil rag scodhya an tavas. Bettegens, nag ew daffar ha dyllansow ras (cost isel). Terweythyow ma othom a berna levrow. Nag eus descadoryon (ha descadoresow) lowr en scol a wör an tavas, ha nag eus Kernowegoryon lowr a  wör desky . Ma othom a draynyans. Eus mòna lowr? Nag eus. The "Strategy" for our Cornish language comes in four parts. There is something to be done by Cornwall Council and there is a role for Cornish language speakers and the public. The first part is...

De Sül, degves mis Me Sunday, 10th May Rag fra ma othom dhen a "Strateji" rag an tavas Kernôwek? Res ew dhen gwitha an tavas; peryllys ewa dhort Sowsnek creffa. Nei a res cawas vorrow dhe sürhe y ûs ow pejya. Radn ew a 'gan honanieth, agan personalieth, en Kernow. Thera nei owth obery avel persons üdnek ha warbarth en agan vorrow agan honan, ha warbarth kescowethyans o nei. Ma lies taclow nei alja gwil en ha gen an tavas Kernôwek. Res ew bos whansek dhe soweny.  Why do we need a "Strategy" for the Cornish language? We must protect the language; it is endangered by the more powerful English. We must have ways to ensure its continuing use. It is part of our identity, our personality, in Cornwall. We work individually and together in our own ways, and together we are a community. There are many things we could do in and with the Cornish language. We must be ambitious to succeed.

De Sadorn, nawes mis Me Saturday, 9th May E'n mettin hedhyw thera cuntel dhe les, "Dalva an Yeth Kernewek", cuntel a bris, ow tòchya an tavas Kernôwek. Pub deg bledhen ma dhe Gonsel Kernow towl nowydh rag an tavas, ha lebmyn termyn ew rag "Strateji an Yeth Kernewek" nowydh. Kernôwek ew tavas rag "Onan hag Oll" penagoll an scrifa-compòster ha'n laveryans. An ragwel ew rag an tavas dhe vos tavas sowyn ha vysqwethek, cowsys, gwelys ha clowys en bownans pub dedh oll en Kernow. Fatel alja hebma bos cowlwres? Thera lies person e'n cuntel, en stevel en Lys Kernow ha war-linen. Cuntel wheg o! Nei a wrüg kesobery en le kesstrivya, challenjya tybyansow en le tüs, rei pubonan chons dhe gowsel, gosowes orth re erel gen cortesy, ha gofyn a glerheans pa veu othom. Avorow my a vedn scrifa moy. Ma meur moy dhe leverel. In the morning today there was an interesting meeting, the "Cornish Language Forum", an important meeting, about the Cornish language...

De Gwener, ethves mis Me Friday, 8th May Things in  Threes Ma  trei mis  en qwartron bledhen.  Henn ew  tremmîs , moy po le, en scol po coljy. There are  three months  in a quarter of a year.  That is a  trimester (term) , more or less, in a school or college. Ma  trei mis  en üdn sêson.  Lebmyn an sêson ew hav ha’n termyn en scol ew an  tremmîs hav .  An  tremmîs hav  ew mis Me, mis Efen ha mis Gorefen.  Mis Est ew degòlyow hav. There are  three months  in a season.  Now the season is summer and the time in a school is the  summer term (trimester) .  The  summer term  is May, June and July.  August is the summer holidays.   Degòlyow hav ew termyn da rag redya.  Gero nei redya an levrow ma. Summer holidays are a good time for reading.  Let’s read these books.     Ma whedhel bian  There’s a little story henwys “ Trednar  Bian...

De Yow, seythves mis Me Thursday, 7th May Thew mis Me an gwelha mis rag flourys, theram ow pedery. Otta! Ma'n kensa manegow an spryjyon ow tos. Hir lowr ew solabres. Ha whath ma mellyon e'n keth ke.  May is the best month for flowers, I think. Look! The first foxglove is coming. It's aleady quite talll. And there are still violets in the same hedge.

De Merher, wheffes mis Me Wednesday, 6th May My a diskevrys an lever-ma e'n leverva Redrüdh. My a venja godhvos mars eus geryow e'n radnyeth kehaval dhe'n geryow e'n tavas Kernôwek. Gero nei whilas! I discovered this book in Redruth library. I'd like to know if there are words in the dialect similar to words in the Cornish language. Let's have a look! arrish   < stubble (field) >  arrish bannel   < broom (plant >  banal biscan   < finger-stall >  besken bullies  < pebbles >  bily bussa   < earthenware pot, crock >  bòssa caunce   < flagged stones, paving >  cauns clicky   < left-handed >  cledhek clunk   < to swallow >  clonka fardle  <  burden, baggage >  fardel fitcher   < polecat, ferret >  ficher frail   < carpenter's/shopping bag >  frayl greybird   < thrush >  mola las grouder   ...

De Meurth, pempes mis Me Tuesday, 5th May Da ew gen an Kernôwyon cawas degol gen mûsik ha donsya - ha meur a dros. Dalladh a vis Me ew ascûss pur dha. Nag eus bûhes ha deves dhe gemeres en havregow, saw whath thew an termyn gwelys avel dalladh an hav. En Pennsans ma lies Corn Me ha whibow ha bran gawrek, Old Ned y hanow, dhe leverel "Gellys ew Gwav". En Lanwedhenek ma dew Hebyhors (bagas snod rüdh ha bagas snod glas) ow kesstrivya. Didhanüs ew rag pobel goth ha pobel yonk. The Cornish people like to have a festival with music and dancing - and a lot of noise. The beginning of May is a very good excuse. There are no cows or sheep to take into summer pastures, but still the time is seen as the beginning of the summer. In Penzance there are a lot of May Horns and whistles and a giant crow, called Old Ned, to say "Winter is Over". In Padstow there are two competing Obby 'Osses (red ribbon team and blue ribbon team). It's entertaining for old people and young peo...

De Lün, pajwora mis Me Monday, 4th May Thew an rüdhek ma bold lowr. Nag ewa methek. My a ell dos nes gen camera. Bes an kei ma ew methek derag camera. Ma va ow pònya dhe ves! Terweythyow ma va ow hartha warlergh kerry ha tüs gen keun ow tremena an chei. Nag ewa methek nena. Da ew genam clowes an edhyn ow cana e'n gwedh. Gwres ew genam nebes videos be na ellama aga treusperthy dhe'm blogg. Soweth! Na ellowgh gosôwes orth ow mola dhû (en pelder) na an colobmen coos e'n ke. This robin is quite bold. It isn't shy. I can come close with a camera. But this dog is shy in front of a camera. It runs away! Sometimes it barks after cars and people with dogs passing the house. It's not shy then. I like hearing the birds singing in the trees. I made some videos but I can't transfer them to my blog. Sadly! You cannot listen to my blackbird (in the distance) nor the woodpigeon in the hedge.

De Sül, tryja mis Me Sunday, 3rd May Glaw! Glaw a wra. Gleb ew an gewer. Glaw, glaw, ke dhe ves! A wrüg an bulhornes e'n mettin  ragleverel an liw e'n dohajedh? Nag ew da rag oll an düs na a venja mos dhe'n treth. E vedh degol kebmyn avorow. Soweth! Ma pollgledh bian dhebm lebmyn. Na ellama neyja etto bes my a alja lagya. Rain! It rains. The weather is wet. Rain, rain, go away! Did the snails in the morning foretell the deluge in the afternoon? It's not good for all those people who would like to go to the beach. There will be a public holiday tomorrow. What a pity! I have a little moat now. I can't swim in it but I could paddle.

De Sadorn, nessa mis Me Saturday, 2nd May Ew hebma kei bian nowydh? Nag ew. Thew an kethsam kei heb y vlew hir! E veu trogh blew dhodho. Lebmyn ev ell pònya oll adro dhe'n lowarth heb treylya re dòbm. Nag ew an flourys dhe les dhodho. Ma whans dhodho a y bel. Bes my a gar an flourys. Ma bleujyow aval wheg e'n wedhen goth crestednys gen kennen an coos. Gellys lebmyn ew oll an spern dû bes ma'n spern gwydn ow tos. Nanj ew cans bledhen en Treyew thera trygys teylû Anstis (ma Lys Kernow ena lebmyn). Hendas Anstis a veu lowarther ha thera bos lilak et y lowarth. Lebmyn ma flogh an bos lilak na et ow lowarth vy (ro dhort y wohydh). Pur deg ew ha pur wheg y sawar. (Ma dhodho hanow aral: plüven pennsevik.)  Is this a new little dog? No. It's exactly the same dog without it's long hair! It had a haircut. Now it can run all around the garden without becoming too hot. The flowers are of no interest to it. It wants its ball. But I love the flowers. There is sweet apple blossom ...