2026 Late Cornish

De Lün, üdnegves warn ügens mis Est Monday, 31st August Nag ew Kernow pow platt. Nag ewa goon wastys naneyl. Tiredh menedh ew, gen oll sortow nansow. Ma nebes nansow down, leun a wedh. Nans a'n par na ew henwys "glynn". Otta an "Glynn Valley" gen ponsvorr (ponsfordh) a-dreus, a-ûgh an gwedh. Ma glynn aral ogas dhe Treth Heyl. Henn ew henwys Glynn Dowrgeun. Lowarth famos ewa lebmyn. Ma va ow mos war nans dhe Dowrgeun. Eus dowrgeun kevys whath e'n dowr reb an treth? Ma bargen tir (tre) reb glynnen. Whei ell gweles nans bian en mappa, ow mos war nans dhe vrâssa coos. Cornwall is not a flat country. Neither is it a featureless plain. It's hilly country, with all sorts of valleys. There are some deep valleys, full of trees. Such a valley is called a "glynn". Here is the "Glynn Valley" with a viaduct across, above the trees. There is another wooded valley near to Helford Passage. That is called Glendurgan. It is now a famous garden. It goes...

De Sül, degves warn ügens mis Est Sunday, 30th August Nakevys ew oll an tòbmder solabres - ha nag ew an glaw neppeth nowydh na velha. Nanj ew nebes seythen tho vy troblys - alja ow plansow dürya heb dowr lowr? Ma plans nowydh dhebm - cactus theram ow pedery (nag eus hanow Kernôwek dhodho) - ha lowen o hedna e'n howlsplan. Lebmyn troblys o vy arta - a vedn an cactus beudhy? All the heat is forgotten already - and the rain is no longer a novelty. A few weeks ago I was worried - could my plants survive without enough water? I have a new plant - a cactus I think (it doesn't have a Cornish name) - and that was happy in the sunshine. Now I am worried again - will the cactus drown?

De Sadorn, nawes warn ügens mis Est Saturday, 29th August My a wrüg gweles an loor leun, saw na wrüga vy gweles difygyans en radn an loor. Thera an loor adhelher dhe'n gwedh po adhelher dhe'n menedh an brâssa radn an nos. My alja gweles an lòrgan. An loor a spladnas der an wedhen vrâs. Haneth en nos, na ellama gweles tra veth bès cloudys en ebòrn nos. E'n gordhûher my a welas dew eskelly-grehen münys ow neyja a-ûgh dhe'n gwedh. Wòja an glaw ma gwibes ha godhanes lowr ow neyja. Pur üskis ens - na ellama kemeres fôtôs. Eus hanow dhe'n loor leun? Loor "Styrjyon" henwys ew - saw nag eus styrjyon veth en Kernow! I did see the full moon, but I did not see the partial eclipse of the moon. The moon was behind the trees or behind the hill for most of the night. I could see the moonlight. The moon shone through the big tree. Tonight, I can't see anything but clouds in the night sky. In the evening I saw two tiny bats flying above the trees. After the rain there ...

De Gwener, ethves warn ügens mis Est Friday, 28th August Ew collel lesa eneval nowydh gansenjys e'n mor adro dhe Kernow? Nag ew! Ma'n rîm ma gen Capten Noel Carter a Breanek, scrifys e'n seytegves cansbledhen, ow tisqwedhes der nag ew.  Ma moy anodhans lebmyn, ow tos dhort an Mor Cres an Doryow, drefen treylys tòbma ew an dowr.  Is octopus a new animal caught in the sea around Cornwall? No! This rhyme by Captain Noel Carter of St Agnes, written in the seventeenth century, shows that it is not. There are more of them now, coming from the Mediterranean Sea, because the water has become warmer. Capt. Noel Carter of St. Agnes 1698 ( ha wòja en Kernowek Bew A Mi a moaz, a mi a moaz in Goon Glaze, Mi a clouaz, a clouaz, a clouaz, a troz, a troz, a troz, an pysgaz miniz. Bez mi a trouviaz un pysg brawze, Naw Losia, Olla Boble en Porthia ha Marazjowan Ne mi ôr Dho Gan Zingy. (Bor.MS: Nevra ni ôr dho ganzingy.) Ha my ow mos, ha my ow mos e'n Oon Las  As I was going, as I was goi...

De Yow, seythves war ügens mis Est Thursday, 27th August Ma cloudys en ebòrn. A vedh anjei whath òbma e'n nos? Da via genam gweles difygyans an loor (en radn) haneth en nos. Thera glaw nehewer ha na wrüga vy gweles an loor. Na wrüga vy clowes an glaw, bès my a welas dowr lowr e'n mettin. Thera an howl ow tastewydnya war blodnow ha'n yet gleb. Lebmyn thew an dor medhelha, ha moy esy ew rag casak coos dhe gawas moryan dhe dhebry.   There are clouds in the sky. Will they still be here in the night? I would like to see the (partial) eclipse of the moon tonight. There was rain last night and I did not see the moon. I did not hear the rain, but I saw plenty of water in the morning. The sun was reflecting on puddles and the wet gate. Now the ground is softer, and it is easier for a woodpecker to get ants to eat.

De Merher, wheffes warn ügens mis Est Wednesday, 26th August Ma dewdhek mis en calander a'n howl. Nag ens oll an keth hirder. Diberthys ew an vledhen howlek en pajar qwarter tredh pajar dedh specyal - dew howlsavla (en cres an hav ha cres an gwav) ha dew kehesnos (en gwenton ha kidnyadh). Nag üjy an pajar qwarter-dedh ort dalladh a vis. Etho, pandr'ew üdn mis? Ma'n loor ow resek eneth adro dhe'n bes en seyth dedh warn ügens (warlergh an ster), bès ma naw dedh warn ügens ha hanter dhort loor leun dhe loor leun (po dhort loor nowydh dhe loor nowydh). Etho, rag nebes nacyons ma terdhek mis e'n vledhen a'n loor, pubonan gen hanow y hònan.  There are twelve months in a solar calendar. They are not all the same length. The solar year is divided into four quarters between four special days - two solstices (in the middle of summer and the middle of winter) and two equinoxes (in spring and autumn). The four quarter days are not at the beginning of a month. So, what is a ...

De Meurth, pempes warn ügens mis Est Tuesday, 25th August Warlergh tradicyon, ma dewdhek arwòdh an Zôdiak. Ma trei arwòdh dor, trei arwòdh ayr, trei arwòdh tan ha trei arwòdh dowr. An re ma ew an peder elven classek; Dor, Ayr, Tan ha Dowr. Ma dewdhek mis, bès nag üjy arwòdh ow talladh ort an kensa dedh üdn mis. Thera nei lebmyn en arwòdh An Werhes, bes hedna a dhalladhas an tryja dedh warn ügens an mis ma. Na ellowgh gweles radn an stergelgh ma lebmyn. Res ew dhewgh gòrtos. An gwelha termyn dh'y weles nessa a vedh mis Me.     Traditionally there are twelve signs of the Zodiac. There are three earth signs, three air signs, three fire signs and three water signs. These are the four classical"elements"; Earth, Air, Fire and Water. There are twelve months, but a sign does not start at the first day of a certain month. We are now in the sign Virgo, but that began on the twenty-third day of the month. You cannot see this part of the zodiac now. You have to wait. The best time t...

De Lün, pajwora warn ügens mis Est Monday, 24th August Gero nei mires orth niverow arta. A ello whei kevredna keniver lavar gans y styr?  1. Ma seyth dedh en seythen. 2. Ma dewdhek mis en bledhen. 3. Ma trei mis en sêson. 4. Ma pajar sêson en bledhen. 5. Ma dewdhek seythen ha dogens e'n vledhen. 6. Ma cans bledhen en cansbledhen. 7. Ma deg bledhen en degvledhen. 8. Ma mil bledhen en milvledhen. 9. Ma trei hans trei ügens ha pemp dedh en üdn vledhen. 10. Ma üdnek dedh warn ūgens dhe'n mis ma. Let's look at numbers again. Can you link each statement with its meaning? A This month has 31 days. B There are 4 seasons in a year. C There are 100 years in a century. D There are 12 months in a year. E There are 3 months in a season. F There are 1000 years in a millennium. G There are 52 weeks in this year. H There are 7 days in a week. I There are 365 days in one year.  J There are 10 years in a decade.

De Sül, tryja warn ügens mis Est Sunday, 23rd August Eva sugen owravalow ew da gen flehes ha gen neb üjy ow sconya gwires. Bès rag tüs erel gwin ew gwell. Ew gwell geno whei eva gwin rüdh po gwin gwydn? E veu whans dhe nebes gohy bian a sampla gwedren a win. Bès gwag o. Rag fra ew holma mar vian? Üjy an tòbmder ow kil oll an gohy dhe vos bian ha sehes e'n hav ma?  Martesen gohien ma ew gwag ewedh. Dynyes ew hei gen fardeligow liwüs a scudigow tatty. Children and teetotallers like drinking orange juice. But for other people wine is better. Do you prefer drinking red wine or white wine? Several small wasps wanted to sample a glass of wine. But it was empty. Why is this one so small? Is the heat making all the wasps small and thirsty this summer? Perhaps this wasp is hungry as well. She is attracted by colourful packets of crisps.

De Sadorn, nessa warn ügens mis Est Saturday, 22nd August Lôwen o vy dhe weles tüs erel ow bos lôwen. Ha rag fra ew tüs erel lôwen? Hedhyw, nag ew an jedh dhe wil whel. Nag eus scol ha nag eus coljy. Hedhyw ew dedh dhe berna cofednow kig hag eva cor (po sugen)! Hedhyw nei ell omjersya e'n lowarth ha kestalkya, yonk ha coth warbarth. Ew nebonan skith? Ev alja disqwithy gen lagajow degëys. Eus keherow skith dhe nebonan? Lôwsel en kibel a dhowr tòbm ew bryntin. Riel dra! Terweythyow, flehes ell radna aga thybyansow en còsel, heb kenkya! I'm happy to see other people being happy. And why are other people happy? Today is not the day to do work. There is no school and no college. Today is a day to buy pasties and drink wine (or juice)! Today we can make ourselves comfortable in the garden and chat, young and old together. Is someone tired? He could relax with closed eyes. Does someone have tired muscles? Loosening up in a tub of hot water is brilliant. Proper job! Sometimes, children...

De Gwener, kensa warn ügens mis Est Friday, 21st August Solabres, dew vis ew tremenys wòja Golôwan. Scon e vedh Kidnyadh. Hedn' a vedh solas. Hav ew re dòbm ragam. Ebòrnow blou ew blewek. My a veu lôwen dhe weles cloudys e'n ebòrn mettin ma. Lebmyn my a ell anella heb gref. Already, two months have passed after Midsummer's Day. Soon it will be Autumn. That will be a relief. Summer is too hot for me. Blue skies are boring. I was happy to see clouds in the sky this morning. Now I can breathe freely.

De Yow, ügensves mis Est Thursday, 20th August Terweythyow ma othom a checkya atalgutter. Kemerowgh with derevel an còvren. Ma  kenis ow lurkya! Holma a nedhas neyth owrlyn rag hy oyow. Ma hei ow qwardya hy felen arvys en fers. Nag ew gwias kenisen rag cacha kelyon. Fesys ew nebes kenisednow behatna. Scon an genisen gelednek ma a vedh en tewlder arta. An atalgutter ew da lowr. Sometimes a drain needs to be checked. Take care lifting the lid. There are spiders lurking! This one spun a silken nest for her eggs. She is guarding her precious orb fiercely. It's not a cobweb to catch flies. Some smaller spiders have been chased away. Soon this brave spider will be in the dark again. The drain is OK. Gerva rag hedhyw Vocabulary for today cachya to catch, trap checkya to check còvren (m) big lid, cover kelednik brave kelyon (coll.) flies > kelyonen (f) kenis (coll) spiders > kenisen (f) > pl. kenisednow nedha to spin, twist neyth (m) nest owrlyn (m) silk pelen (f) orb, ball, s...

De Merher, nawnjegves mis Est Wednesday, 19th August My a wrüg clowes glaw e'n nos. Ha, otta, nebes misvaow a dhowr e'n grava ros! A venja an edhyn gwil bath? Na ellama gweles lies edhen hedhyw, ha na ellama clowes lies anodhans na neyl. Pe le mons? Üjens en lowarth nebonan aral? My ell clowes an gwens e'n gwedh, ha'n mor a-bell. Wotiwedh! Colobmen coos ew devedhys tre. I heard rain in the night. And, behold, several inches of water in the wheelbarrow! Would the birds like to take a bath? I can't seemany birds today, and I can't hear many of them either. Where are they? Are they in somebody else's garden. I can hear the wind in the trees, and the distant sea. At last! A wood pigeon has come home.

De Meurth, etegves mis Est Tuesday, 18th August Solabres thera nei ow qweles delkyow marow war an leur dadn agan gwedh. Ma dhodhans an liwyow kidnyadh, saw nag ew kidnyadh whath. Pur segh (seth) ew an gewer, ha ma'n gwedh ow sòffra anken heb dowr lowr. Mons ow kelly aga del a-dermyn rag dürya. E veu gwenton wheg dhen gen bleujyow lowr, etho ma lies aval bian. Na ell anjei tevy brâs drefen nag eus glaw. Ma edhyn ow piga frûtys e'n gwedh rag glebor. Ma sehes dhodhans. Ha ma nebes avalow ow podry ken codha. Nei a guntellas nebes avalow, bes na vedh lowr anodhans rag an gwav. Na vern! Ma lies moren dhû. We are already seeing dead leaves on the floor under our trees. They have the colours of autumn, but it is not autumn yet. The weather is very dry, and the trees are suffering stress without enough water. They are losing their leaves early to survive. We had a nice spring with plenty of blossom, so there are a lot of little apples. They cannot grow large, because there is no rain. B...

De Lün, seytegves mis Est Monday, 17th August E veu dhen badna glaw mettin a-varr. Ev a lebas an lowarth, saw na veu lowr rag y dhowrhe pur dha. Sehys ew solabres, marnas ma dagrow glaw war wias kenesen war nebes delkyow sevy e'n skeuj. Nenbrednyer to crow nowydh agan kentrevek a dreylyas gleb, saw  lebmyn ma gwarhas stanch dhodho. We had a drop of rain in the early morning. It wetted the garden, but there wasn't enough to water it very well. It's dried up already, except there are raindrops on a cobweb on a few strawberry leaves in the shade. The roof rafters of our neighbour's new shed got wet, but now it has a waterproof tarpaulin.

De Sül, whetegves mis Est Sunday, 16th August Mis Est ew an termyn own rag cuntel frutys dhort an lowarth ha dhort an keow. Ma nebes avalow ow codha dhe'n dor solabres. Lies aval ew shyndys, pigys gen edhyn rag glebor. Avalow shyndys ew da gen gwibes ha gwenen ha gohies. Bès ma avalow lowr gerys raga vy dhe vryjyon gen mor dû dhort an keow. Da via genam cawas nebes ploum melyn, ewedh, bès gellys ens. Martesen anjei a veu ladrys gen edhyn po gen gwyweres. An gwyweres a wrüg debry oll an know coll en certan.  August is the right month for gathering fruits from the garden and from the hedges. Some apples are falling to the ground already. Many apples are damaged, pecked by birds for moisture. Flies and bees and wasps like damaged apples. But there are enough apples left for me to stew with blackberries from the hedges. I would like to have some yellow plums, too, but they are gone. Perhaps they were stolen by birds or by squirrels. The squirrels have certainly eaten all the hazel nuts...

De Sadorn, pemdhegves mis Est Saturday, 15th August Whath, theram ow pedery a'n difygyans an howl de Merher. My a dal liwya pictur a'n golow coynt. My a gerdhas dhe'n mor. A aljama trouvya dastewydnyans a'n howl en dowr isel, war treth gleb? Na veu an difyk dhe les dhe'n kei na. Thera an flehes ow qwary e'n treth ha dowr heb pedery dro dhe'n difyk. Thera le a dhowr e'n ryvar bian drefen gellys mes o an mortid. Martesen sarf neyja a veu moy dhe les avel howl, mor ha treth dhe re erel. Still, I am thinking of Wednesday's solar eclipse. I should paint a picture of the odd light. I walked to the sea. Could I find a reflection of the sun in low water, on wet sand? The eclipse was of no interest to that dog. The children were playing in the sand and water without thinking about the eclipse. The little river had less water because the tide had gone out. Perhaps a kite was more interesting than sun, sea and sand to others.

De Gwener, pajardegves mis Est Friday, 14th August Difygyans an Howl a-ûgh Stonehenge. My a welas an ymaj ma war Facebook. Edrek, nag ew an fotografer aswonys genam. Na aljama kemeres foto a'n par ma. Ma othom a gamera sevelyek en üdn telher, kemeres nebes tednow gen powesow compes ha cayer specyal. War an treth my alja gweles an howl gans ow gwedrow. Na wrüg an eborn treylya dû, saw tho pecar'a gordhûher. An edhyn a veu meskegys bès pur deg o. En gwettha pres, nag üjy ow hamera owth obery hedhyw. The Solar Eclipse above Stonehenge. I saw this image on Facebook. Sorry, I don't know the photographer. I couldn't take a photo like that. It needs a static (stationary) camera in one place, taking several shots with regular intervals and a special filter. On the beach I could see the sun with my glasses. The sky did not turn dark, but it was like evening. The birds were confused but it was very beautiful. Unfortunately, my camera is not working today.

De Yow, terdhegves mis Est Thursday, 13th August De, tho an treth pur, pur vesy. (Hogstog o va!) Thera tüs et aga degolyow ha tüs pluw, pecar'a nei, a venja mires orth difygyans an howl. Poth o nei devedhys e veu morlanow, an mortid a veu pur ûhel. Thera todnow ow lagya agan treys. Nei a dremenas pons gleb bian dres an ryvar bian rag drehedhes an treth brâs. Nei a drouvyas splatt a dreth reb an ryvar bian. Leun o an tredh a düs gen scovaow, dhort mor dhe'n tewednow. Thera nei oll ow còrtos an difyk. Yesterday, the beach was very, very busy. There were people in their holidays and local people, like us, who wanted to watch the solar eclipse. When we had arrived it was high tide, the tide was very high. There were waves splashing our feet. We crossed a little wet bridge across the little river to reach the big beach. We found a patch of sand by the little river. The sand was full of people with shelters, from sea to the dunes. We were all waiting for the eclipse.