2026 Late Cornish

De Sadorn, pajwora mis Gorefen Saturday, 4th July Pur deffrans ew an jedh hedhyw. De, tho an ebron blou ha cler. Lebmyn, comolek ew an gewer. Gwydn ha gorherys ew an ebron. Era glaw e'n nos? Gleb ew an gwels. Ew an glesin glouthek? Martesen e veu glouth poos po niwl dhort an mor. Ma dagrednow dowr war an delkyow ha war an flourys. Ens gluthednow po dagrow glaw? Mons ow terlentry pecar'a adamantys. Flourys ew ow jowals erel - lies jowal rüdh ha glas emesk an delkyow. The day today is very different. Yesterday, the sky was blue and clear. Now, the weather is cloudy. The sky is white and overcast. Was there rain in the night? The grass is wet. Is the lawn dew-covered? Perhaps there was heavy dew or fog from the sea. There are water droplets on the leaves and on the flowers. Are they dewdrops or raindrops? They sparkle like diamonds. Flowers are my other jewels - many red and blue jewels among the leaves.

De Gwener, tryja mis Gorefen Friday, 3rd July Cosel o an jedh. Thera edhyn bian ow cana e'n keow. Terweythyow ayrplayn bian a neyjas a ûgh agan nans bian. War üdn labm, e veu son routh veur a edhyn brâs, edhyn dû trosüs, martesen briny chei. Leun o an ebron. Thera anjei ow tos dhort an gwelyow, car dre hevel. Devedhys ens sòdenly, ha gellys ens en scon. The day was quiet. There were little birds singing in the hedges. Sometimes a small aeroplane flew above our little valley. All at once, there was sound of a crowd of big birds, noisy black birds, perhaps rooks. The sky was full. They were coming from the fields, it seemed. They came suddenly, and they were soon gone.

De Yow, nessa mis Gorefen Thursday, 2nd July Hedhyw my eth dhe'n cuntelyans pub mis ow bagas art  ogas dhe Truro. Thera disqwethyans gen lymner meurgerys, Judi Trevorrow. Kernowes ew hei ha descadores. My re liwyas genjy kens lebmyn. An mater hedhyw a veu owravalow war baper nowodhow. En gwelha pres, na veu othom dhen a liwya paper nowodhow veth. Nei a liwyas war brynt a radn folen a baper nowodhow. Nei a ûsyas liwyow acrylek gen badna dhowr (na re). Melyn o an kensa liw (gen tabm gwydn dall rag cüdha an geryow dan an owravalow). Wòja hedna nei a ûsyas melynrüdh ha rüdhvelyn war an melyn, rag an frûtys. Thera glas rag an delkyow ha gwydn rag an bewin. War an diwedh loos boll a ros skeujow dhen.  Today I went to monthly meeting of my art society near Truro. We had a demonstration by popular artist, Judi Trevorrow. She is a Cornish woman and a teacher. I have painted with her before. The subject today was oranges on a newspaper. Fortunately, we did not need to paint any newspape...

De Merher, kensa mis Gorefen Wednesday, 1st July An kensa dedh a vis nowydh! My a dal pedery a neppeth nowydh, bes na ellama. Nag o vy nowydh na velha ow hònan. Skith o vy. Ma othom dhebm a divüna a-varr avorow. Martesen colm tavas münys alja bos possybyl. An avalow a-varr na vedh arves avorow.  The first day of a new month! I should think of something new, but I can't. I am no longer new myself. I'm tired. I need to wake up early tomorrow. Perhaps a tiny tongue-twister could be possible. The early apples won't be ripe tomorrow.